Bruwer & Helena

So het die GROOT dag toe uiteindelik aangebreek. Die JA-woord is gesê, en staan dié twee nou bekend as Mnr & Mev Rousseau. Bruwer is ‘n baie goeie vriend wat al jare lank n pad saam met ons stap. Hy is die grapjas by die party, maar ook die een met die hart van goud, die een wat altyd ‘n kardeur vir jou sal oopmaak en so nou en dan met ‘n chocolate’tjie of ‘n bossie blomme opdaag, so uit die goedheid van sy hart. Ons het almal geweet dit gaan ‘n besonderse persoon moet wees wat eendag sy ring gaan dra, en daar stap Helena sy lewe in. Die mees agtermekaarste, rustigste persoon wat ek ken, wat enige iets sal doen vir haar medemens, met ‘n groot liefde vir God. Bruwer se pot se deksel. Ons het almal met groot opgewondheid hierdie dag afgewag, en het dit so bitterlik baie geniet. Emosies was hoog toe Helena se Pa haar die Kerk inbring, na almal ‘n groot skrik gekry het toe hy so bietjie meer as ‘n maand gelede, baie ernstig in die hospitaal was. Hy was selfs sterk genoeg om die Pa & dogter dans te doen… en nog uit volle bors te sing ook! Spesiale oomblikke wat ons almal altyd sal koester. Geluk Bruwer en Helena! Wanneer julle terugdink aan hierdie dag, mag julle altyd die liefde van julle familie en vriende onthou. En wanneer julle terugdink aan hierdie dag, mag pragtige herinneringe ‘n deel wees van die vreugde wat vir altyd in julle harte sal bly. Geniet die foto’s! xx

Trourok: Robyn Roberts

Hare: Top to Toe

Grimering: Skin sense Health & Beauty

Bruidegom se Pak: Martin Delport

Blomme & Decor: Tonette’s

Troukoek: Sunette Louw

Cake Topper & Gasteboek: New Beginnings Laser Cutting

DJ: Darren Wentzel

My Assistant: Baie dankie Nadz Photography

Die onthaalfoto’s is ‘n kombinasie van Nadine, Deon en my eie.